Qazaqstanda bilim berý salasyndaǵy genderlik teńdik jaqsardy
Dúnıejúzilik ekonomıkalyq forýmnyń jańa esebinde Qazaqstan sońǵy 10 jyldyń ishinde tuńǵysh ret oń dınamıkany kórsete otyryp, Jahandyq genderlik alshaqtyq ındeksinde (Global Gender Gap Index) 80-nen 65-orynǵa kóterildi. Elimizde atalǵan ındekstiń barlyq kórsetkishteri jaqsardy.
«BUU-áıelder» qurylymy Qazaqstannyń genderlik alshaqtyqty azaıtý jolynda qol jetkizgen jetistikterin quptaıdy. Qazaqstan Úkimeti, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa, azamattyq sektormen jáne basqa da seriktestermen birlese otyryp, genderlik alshaqtyqty joıý boıynsha kúsh-jiger óz jemisin berýde. Qazaqstandyqtardy bul jetistiktermen, sonyń ishinde bilim berý deńgeıi salasyndaǵy genderlik teńdikke qol jetkizgenine quttyqtaımyn«, - dedi Qazaqstandaǵy «BUU-áıelder» qurylymynyń ókili Marııa Dotsenko.
Genderlik alshaqtyqtyń jahandyq ındeksin Dúnıejúzilik ekonomıkalyq forým uıymy daıyndaıdy, ol jyl saıyn bilim deńgeıi, densaýlyq pen ómirsheńdik, ekonomıkaǵa qatysý jáne ekonomıkalyq múmkindikter, saıası quqyqtar men múmkindikterdi keńeıtý – tórt basty kórsetkish negizinde genderlik teńdik salasyndaǵy elderdiń progresi týraly esep jarııalaıdy.
