Qazaqstanda bilim berý depozıtteri júıesi jetildirilmek
ASTANA. QazAqparat - QR Parlamenti Senaty Áleýmettik-mádenı damý jáne ǵylym komıtetiniń otyrysynda «Qazaqstan Respýblıkasynyń keıbir zańnamalyq aktilerine Memlekettik bilim berý jınaqtaý júıesi máseleleri boıynsha ózgerister men tolyqtyrýlar engizý týraly» zań jobasy talqylandy, dep habarlaıdy QazAqparat.
«Zań jobasyna Senat pen Májilis depýtattary bastamashy boldy. Kózdelgen túzetýlerdi qabyldaý, tıisti máselelerdi sheshýge múmkindik beredi. Birinshiden, salymshylardy basym sanatqa jatqyzýdy rastaýǵa ýákilettilik berilgen memlekettik organdardyń tizbesin keńeıtý. Bul sanatqa jatatyn jetim balalar men ata-anasynyń qamqorlyǵynsyz qalǵan balalardyń salymdarynda memlekettiń 7 paıyzdyq joǵary syılyqaqysy quqyqtaryn tolyq iske asyrady. ıAǵnı, Memlekettik bilim berý jınaqtaý júıesine qatysýshylardyń tizbesine QR BǴM Balalardyń quqyǵyn qorǵaý komıtetin engizý usynylyp otyr», - dep toqtaldy zań jobasy boıynsha baıandamasynda Májilis depýtaty Nurtaı Sabılıanov.
Ekinshiden, tyıym salýlardy jáne ártúrli óndirip alýlardy boldyrmaý arqyly bilim berý jınaqtaý salymdaryndaǵy aqshalardyń, onyń ishinde memleket syılyqaqy mólsheriniń saqtalýyn qosymsha zańnamalyq deńgeıde qamtamasyz etý eskerilgen.
Úshinshiden, memlekettik syılyqaqy túrinde esepteletin bıýdjet qarajatyn tıimdi paıdalaný, sondaı-aq durys emes málimetter anyqtalǵan jaǵdaılarda burynǵy kezeńderdegi artyq eseptelgen memlekettiń syılyqaqylaryn bıýdjetke qaıtarý qadamy qamtylǵan.
«Memlekettik bilim berý jınaqtaý júıesine qatysýshy bankterge qoıylatyn oblys ortalyqtarynda jáne Astana men Almaty qalalarynda bank fılıaldarynyń bolýy talabyn alyp tastaý arqyly MBJJ-ge qatysýshy bankterdiń sanyn kóbeıtýdi kózdeıtin ózgerister enigizildi. Bul halyqtyń bilim berý jınaqtaý salymyn ashýyna múmikindigin arttyrady, qolaıly jaǵdaı týdyrady», - dedi depýtat.
Óz kezeginde senator Serik Bekturǵanov Qazaqstanda stýdentterdiń 76 paıyzy joǵary jáne JOO-dan keıingi bilimdi ózderiniń qarjysyna alatynyn atap ótti.
Onyń aıtýynsha, búginde qarjylyq aýyrtpalyq saldarynan stýdentterdiń bir bóligi oqýdan shyǵarylyp jatady. Degenmen de bilim berý salymdary esebinen oqıtyndardyń úlesi ále de tómen deńgeıde. MBJJ baǵdarlamasy iske qosylǵaly 3,5 jylda 10,7 mlrd teńgege 17 myńǵa jýyq depozıt ashylǵan, al bilim berý salymdary esebinen oqyp júrgender sany 277 stýdentti qurap otyr.
Osy oraıda ol tanystyrylǵan zań jobasy aıasynda júıege engizip otyrǵan túzetýler tıisti ońtaıly qadamdardy qamtyǵandyǵyn jetkizdi.
