Qazaqstanda bilim berý baǵdarlamalarynyń mazmuny jańartylady - A.Sárinjipov
ASTANA. QazAqparat - Qazaqstanda bilim berý baǵdarlamalarynyń mazmunyn jańartý josparlanǵan, dep habarlady búgin pedagogtik bilim berý jónindegi respýblıkalyq keńeste bilim jáne ǵylym mınıstri Aslan Sárinjipov.
«Biz bilim berý baǵdarlamalarynyń mazmunyn jańartamyz», - dedi A.Sárinjipov.
Onyń aıtýynsha, atalǵan máselede pedagogtardy daıarlaý negizgi róldi atqarady, sebebi bilim sapasy muǵalimderdiń bilim deńgeıine baılanysty bolady.
«Qazir pedagogıkalyq bilim berýge, pedagogıkalyq JOO-daryna muqııat qaraý qajet, kimdi jáne qalaı daıarlaımyz, bul orta bilim berýdi jańartý jáne qamtý boıynsha josparlarmen qalaı kelisiledi. Búgin birneshe bastamany iske qostyq. Biliktilikti arttyrý boıynsha úlken baǵdarlama bar», - dep basyp aıtty vedomstvo basshysy.
Mınıstr atap ótkendeı, jyl saıyn ustazdardyń aýqymdy sany biliktilikti arttyrý kýrstarynan ótedi, Nazarbaev zııatkerlik mektepteriniń júıesi boıynsha úsh aılyq kýrstar bar, Kembrıdjdik bilim berýmen yntymaqtastyq ornatylýda, dep jazady primeminister.kz.
