Qazaqstanda bilim berý 13,8% qymbattady

ASTANA. QazAqparat – Qazaqstanda bilim berý aqysy 13,8% qymbattady. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

«Qyrkúıek aıynda bilim berý qyzmetteriniń baǵasy 2021 jylǵy tıisti aımen salystyrǵanda 13,8% kóterildi. Bul sońǵy 5 jyldaǵy eń joǵary ósim.

Mektep pánderi boıynsha bilim berý ortalyqtary qyzmetiniń aqysy bir jylda 10,2% artty.

Kolledjde bilim berý tólemi – 19,5%, joǵary oqý oryndarynda 16,3% qymbattady.

Túrli kásiptik oqytý kýrstarynyń baǵasy 15,6% ósti», - delingen statıstıka málimetinde.