Qazaqstanda bılik tutqasyn ustaımyn degen áıelge barlyq múmkindikter jasalǵan - senator S.Jalmaǵambetova
STANA. Naýryzdyń 5-i. QazAqparat /Aıdar Ospanalıev/ - «Qazaqstanda bılik tutqasyn ustaımyn degen áıelge barlyq múmkindikter jasalǵan», dedi senator Svetlana Jalmaǵambetova «Nur Otan» partııasynda Halyqaralyq áıelder kúni merekesine baılanysty ótken sharada,
dep habarlaıdy QazAqparat.
Senatordyń sózine qaraǵanda, bılikke kelý- kelmeý áıel azamattyń ózine baılanysty. Áıeldiń boıynda óziniń otbasyna, balalaryna degen súıispenshilikpen kelgen úlken jaýapkershilik bar. «Áıelderdiń qarym-qabiletteri qaı salada alsańyz da óte joǵary. Qazaq áıelderi bilimdi, ádepti de ádemi. Olardyń qolynan barlyǵy keledi. Degenmen, bizdiń elde árbir áıel mindetti túrde bılik basyna barýy kerek degen maqsat joq dep oılaımyn», dedi senator.
