Qazaqstanda bıyl 269 myńnan astam adam jumyspen qamtyldy
ASTANA. KAZINFORM – Eńbek jáne halyqty áleýmettik qorǵaý mınıstrliginiń málimetinshe, 2025 jylǵy 1 qazandaǵy jaǵdaı boıynsha jumyspen qamtýǵa járdemdesýdiń belsendi sharalarymen 269,1 myń adam qamtyldy, al 607,3 myń qazaqstandyq turaqty jumysqa ornalasty.
Mınıstrliktiń dereginshe, sýbsıdııalanatyn jumys oryndaryna 153,6 myń adam jumysqa ornalasqan. Onyń ishinde áleýmettik jumys oryndarynda – 12,7 myń adam, jastar tájirıbesinde – 21,5 myń adam, qoǵamdyq jumystarda – 96,6 myń adam, «Kúmis jas» jobasy aıasynda – 17 myń adam, «Alǵashqy jumys orny» jobasy boıynsha – 5,6 myń adam, al «Urpaqtar kelisimsharty» jobasy sheńberinde – 241 adam jumyspen qamtyldy.
- Eńbek naryǵynda suranysqa ıe daǵdylar boıynsha onlaın oqytýmen 53 myń jumyssyz qamtylyp, olardyń 49,1 myńy oqýyn aıaqtady. Al «Bastaý Bıznes» jobasy aıasynda kásipkerlik negizderine 45,6 myń adam oqytylyp, 25,9 myń adam sertıfıkat aldy.
Sonymen qatar jumys berýshilerdiń ótinishi negizinde 8 075 adam kásibı oqýǵa jiberildi. Onyń ishinde 2 541 adam oqýdy aıaqtap, 1 065 adam jumysqa ornalasty. Kásiptik baǵdarlaý ortalyqtarynda 304,3 myń azamat keńes berý jáne baǵyttaý qyzmetin aldy, - delingen aqparatta.
Mınıstrlik azamattardy jumysqa ornalastyrý birneshe baǵyt boıynsha júzege asatynyn, al naqty jumysqa ornalasqan fakti mindetti zeınetaqy jarnalarynyń túsýimen rastalatynyn atap ótti.
Máselen, 2025 jylǵy 1 qazanǵa deıin 607,3 myń adam jumysqa ornalastyrylǵan. Onyń ishinde halyqty jumyspen qamtýǵa járdemdesýdiń belsendi sharalary arqyly – 153,6 myń adam, Elektrondyq eńbek bırjasy arqyly – 142 myń adam, Memleket basshysynyń «10 myń turǵynǵa – 100 jumys orny» bastamasy sheńberinde – 283 myń adam, ortalyq memlekettik organdar iske asyratyn jobalar aıasynda – 28,7 myń adam jumysqa turdy.
Bıyl halyqtyń áleýmettik osal sanattaryna jańa bıznes-bastamalardy júzege asyrý úshin 400 AEK-ke deıin (1 572 800 teńge) kóleminde 9 myń grant berý josparlanǵan. 2025 jylǵy 1 qazanǵa deıin respýblıka boıynsha 8 964 grant berilgen.
Aıta keteıik, Astanaǵa jaqyn aýyl mańynan jalaqysy 450 myń teńgelik jumys oryndary ashylady.