Qazaqstanda bıdaıdyń egistik alqaptary azaıady

ASTANA. QazAqparat - Kelesi jyldan bastap Qazaqstanda bıdaıdyń egistik alqaptary 2 mln. gektarǵa azaıtylyp, onyń ornyna maıly daqyldar jáne jem egiledi. Bul týraly búgin brıfıngte QR Aýyl sharýashylyǵy vıtse-mınıstri Qaırat Aıtýǵanov málim etti.

Bul QR Aýyl sharýashylyǵy mınıstrliginiń egistik alqapty ártaraptandyrý saıasatyna baılanysty bolyp otyr.

Osy sebepten egin sharýashylyǵyn qoldaýdyń memlekettik tetikteri ózgertiletin bolady.

«Atap aıtqanda, bıdaıdyń 1 gektary úshin beriletin sýbsıdııalar qysqartylady, onyń ornyna maıly daqyldardy jáne jemdi memlekettik qoldaý kózdelýde. Byltyr elimiz 533 myń tonna maıly daqyldardy eksporttady, sonyń ishinde Eýropaǵa eksporttalǵan zyǵyrdyń úlesi 46,4 paıyzdy qurady. Sonymen birge Qytaı Halyq Respýblıkasymen ósimdik maıynyń 30 myń tonnasyn jetkizý týraly kelisim bar. Osyǵan oraı, maıly daqyldardyń egistigin ulǵaıtýdy qamtamasyz etý qajet», - dedi ol Astanada ótken baspasóz máslıhatynda.