Qazaqstanda bıdaı tapshylyǵy bar ma?
NUR-SULTAN. QazAqparat - QR Aýyl sharýashylyǵy mınıstrligi sońǵy ýaqytta un óndirý úshin astyq tapshylyǵy týraly aqparat jıi taratylyp jatqanyna nazar aýdarady. QR AShM jáne mınıstrliktiń resmı tulǵalary Qazaqstanda astyq qory jetkilikti jáne tapshylyqtyń týyndaý qaýpi joq ekenin birneshe ret habarlaǵan bolatyn, dep habarlaıdy QazAqparat.
Buqaralyq aqparat quraldarynda jáne áleýmettik jelilerde taratylyp jatqan aqparat shyndyqqa janaspaıdy jáne naryqqa qatysýshylarǵa qysym jasaý áreketi, sondaı-aq josyqsyz básekelestiktiń kórinisi bolyp tabylady.
Mınıstrlik Reseı Federatsııasymen shekaralas oblystardyń un tartqyshtary shıkizat retinde syrttan ákelinetin bıdaıdy paıdalanǵanyn atap ótedi. Reseı Fedaratsııasy tarapynan kúshine engizilgen eksportqa shyǵarý týraly shekteýlerge baılanysty, buryn jasalǵan kelisim-sharttar arqyly belgilengen bıdaı kólemi qoljetimsiz bolyp otyr. Osyǵan baılanysty, úzdiksiz jumysty qamtamasyz etý úshin óndirýshiler otandyq aýyl sharýashylyǵy taýaryn óndirýshilermen bıdaıdy jetkizý úshin kelisimsharttar jasasý múmkindigin pysyqtap jatyr.
QR AShM ishki naryqta syrttan ákelinetin shıkizatty almastyrýǵa qaýqarly shıkizattyń qajetti kólemi bar ekenin habarlaıdy. Respýblıkada 7,4 mln tonna bıdaı bar. Eldiń qajettilikterin tolyq qamtamasyz etý úshin (egis qajettilikteri, jemshóp, azyq-túlik tutyný jáne ónerkásiptik óńdeý) 3,7 mıllıon tonna bıdaı qajet. Osylaısha, qolda bar qorlar eldiń bıdaıǵa degen eki jyldyq qajettiligin jabady.
Qazirgi ýaqytta un óndirýshiler men bıdaı jetkizýshiler satý baǵasy týraly kelisip jatyr. Álemdik bıdaı naryǵy qubylyp jatqan kezde taraptardyń árqaısysy BAQ pen áleýmettik jelilerdi ózara qysym jasaý quraly retinde paıdalana otyryp, aqparattyq keńistikke senimsiz aqparatty taratady. Sol arqyly dúrlikpe jaǵdaı jasaı otyryp, neǵurlym tıimdi baǵa alýǵa tyrysady.
Sondaı-aq, mınıstrlik Qazaqstan un qorynyń jetkilikti mólsherine ıe ekenin habarlaıdy. 137,9 myń tonna un bar, onyń ishinde óńirlik turaqtandyrý qorlarynda 11,2 myń tonna, saýda obektilerinde 53,2 myń tonna, óndirýshi kásiporyndarda 52,8 myń tonna, qoımalarda 20,7 myń tonna bar.
Qosymsha, mınıstrlikte «Azyq-túlik kelisim shart korporatsııasy» AQ-da 600 myń tonna astyq bar, ol 450 myń tonna un óndirýge múmkindik beredi.
Mınıstrlik naryq qatysýshylaryn qazirgi jaǵdaıdy paıdalanyp, ústeme paıda tabý úshin jaǵdaıdy ýshyqtyrmaýǵa jáne áleýmettik jaýapkershilik tanytýǵa shaqyrady.
Mınıstrlik jaǵdaıdy baqylaýda ustap otyr, eldegi un men bıdaı tapshylyǵyna jol bermeıdi. Turaqtylyq pen azyq-túlik qaýipsizdigin qamtamasyz etedi.
