Qazaqstanda bıdaı egisteriniń aýmaǵy edáýir qysqardy

ASTANA. 13 tamyz. QazAqparat - Qazaqstanda bıdaıǵa arnalǵan egis alqaptary qysqarýda. Bul týraly búgin Úkimet otyrysynda QR Aýyl sharýashylyǵy mınıstri Asyljan Mamytbekov málim etti.

Mınıstrdiń sózine qaraǵanda, 2009 jyly jalpy egis alqaptary ishinde bıdaı egisteri 69 paıyzǵa jýyq (14,8 mln. gektar) deńgeıde bolsa, 2012 jylǵa qaraı onyń kólemi 64 paıyzǵa deıin qysqardy (13,5 mln. gektar). «2013 jyly bıdaı egisteriniń aýmaǵy 61 paıyzdy qurady (13,1 mln. Gektar)», - dedi A. Mamytbekov.