Qazaqstanda beıtarap sarapshylar qalyptasyp kele jatyr -saıasattanýshy Saıyn Borbasov
ALMATY. 22 mamyr. QazAqparat - Saıası maqsat úshin ǵana bılikti ne oppozıtsııany madaqtap júrgender durys sarapshy emes. Bul másele búgin Almatyda ótip jatqan «Qoǵam birligi jáne turaqtylyq eldi jańǵyrtýdyń negizgi faktorlary» dep atalatyn ІІ
Halyqaralyq ǵylymı-tájirıbelik konferentsııa kezinde sóz boldy.
«Oppozıtsııalyq partııalardyń sarapshylarynda syn kózqarastary basym bolady. Búkil halyqtyń kóńil-kúıin bılikke tek qana jaǵymsyz qarym-qatynasta kórsetip otyrady. Bıliktiń tóńiregindegiler bolsa ony jaqtaýǵa tyrysady. Qazaqstanda qazir beıtarap sarapshylar qalyptasyp kele jatyr. Parlamentarızm ınstıtýtyndaǵy búgingi qoǵamdyq kelisim men áleýmettik kelisim máselesin talqylaýǵa kelip otyrǵandardyń basym kópshiligi beıtarap sarapshylar», - deıdi Qazaq ulttyq agrarlyq ýnıversıtetiniń professory, saıası ǵylymdar doktory Saıyn Borbasov. Saıasattanýshynyń paıymdaýynsha, beıtarap sarapshylar negizigen ǵalymdar. Olar bardy bar, joqty joq dep aıtýǵa tyrysady. Árdaıym aqty aq, qarany qara, qońyrdy qońyr dep aıtý kerek. Ómir túrli boıaýlarǵa toly. Obektıvti shyndyqty taldaý arqyly ǵana biz bılikke jáne túrli bıznes qurylymdaryna qoǵamǵa bolyp jatqan oqıǵalar týraly aqıqatty aıtýǵa tyrysamyz. Al aqıqat durys sheshimder qabyldap, qoǵamdy jóndeýge ákeledi.
