Qazaqstanda beıbitshiliktiń qadirin bilgen jurttyń talabyn kórip otyrmyz - Bekbolat Tileýhan
ASTANA. QazAqparat - Búgingi saılaýda qala jáne aýyl turǵyndary joǵary belsendilikti kórsetip otyr. Bul týraly búgin elordadaǵy saılaý ýchaskeleriniń birinde Qazaqstan Respýblıkasy Ulttyq sport oıyndary qaýymdastyǵynyń prezıdenti Bekbolat Tileýhan málim etti.
«Elimizde bul saılaý meıram sekildi ótip jatyr. Halyq óziniń qalaýyn bildirip jatyr. Búginde álem tynysh emes, al osyndaı kezeńderde Qazaqstanda tynyshtyq pen beıbitshiliktiń qadirin bilgen jurttyń talabyn kórip otyrmyz. Osy mańyzdy sátte jumylǵan jurttyń yntymaǵyn, eldigimizge, keleshegimizge degen halyqtyń sanasyn baıqadym», - dedi B.Tileýhan.
Osy oraıda ol búgingi saılaýda qala jáne aýyl turǵyndary joǵary belsendilikti kórsetip otyrǵandyǵyn atap ótti.
«Meıram kúnimen barsha halqymyzdy quttyqtaǵym keledi. Elimiz aman, jurtymyz tynysh bolsyn!», - dedi qaýymdastyq basshysy.
