Qazaqstanda besinshi Start-Up akademııa ashyldy
TALDYQORǴAN.QazAqparat - Taldyqorǵanda Іlııas Jansúgirov atyndaǵy Jetisý memlekettik ýnıversıtetiniń janynan «Start-Up Akademııa» ashyldy. «Damý» Qory men Jetisý memlekettik ýnıversıteti arasynda tıisti memorandýmǵa qol qoıyldy. Akademııanyń ashylý saltanatyna Almaty oblystyq ákimshiliginiń ókilderi jáne óńir kásipkerleri qatysty, dep habarlaıdy QazAqparat tilshisi.
«Bul ýnıversıtet ǵımaratynda ashylǵan besinshi «Start-Up" akademııa. Alǵashqy tórteýi Astana, Almaty, Atyraý jáne Pavlodar qalalarynda ornalasqan. Mundaı áriptestik bızneske endi bet burǵan kásipkerlerge bıznes-ıdeıadan bastap, naryqqa jol tartqanǵa deıingi aralyqta keshendi túrde, tegin qoldaý kórsetýge múmkindik beredi. ıAǵnı, tek konsaltıngtik nemese aqparattyq qoldaý ǵana emes, ınvestor tartyp, Qordyń qarjylyq baǵdarlamalaryna qatysýǵa jaǵdaı jasap, memlekettik granttar utyp alý jolynda kómektesedi»,-dedi «Damý» Qorynyń Basqarýshy dırektory-Basqarma múshesi Ǵabıt Lesbekov.
«Start-Up Akademııa» kásipkerlikpen aınalysam degen bizdiń jastarǵa qoldaý kórsetedi. Ideıadan bastap, ony júzege asyrý jolyndaǵy barlyq kezeńde de. «Damý» Qorymen ýnıversıtet janynda akademııa ashýdyń maqsaty da - osy. Biz óz tarapymyzdan Almaty oblysynda ınnovatsııalyq jáne kásipkerlik ortany qalyptastyrý úshin barynsha eńbektenemiz. Akademııada trenıng, semınarlar ótkizilip, startap jobalar izdestirip, irikteımiz. Sondaı-aq tálimgerlik, saraptamalyq qoldaý men túrli baıqaýlar da uıymdastyrylady»,-dedi І.Jansúgirov atyndaǵy Jetisý memlekettik ýnıversıtetiniń rektory, geografııa ǵylymdarynyń doktory, professor Baımyrzaev Qýat Maratuly.
Shara barysynda túrli qalalyq, respýblıkalyq,, aımaqtyq baıqaýlarǵa qatysqan jas ǵalym, kásipker, stýdentter men magıstrant, doktoranttardyń ınnovatsııalyq jobalarynyń kórmesi ótti. Onda ónertapqyshtardyń shaǵyn ushý quraldary, bólme gúlderin avtomatty túrde sýarý júıesi, Joǵary oqý ornynyń vırtýaldy gıdi, elektrondy mıkroskop sekildi kóptegen dúnıeleri qoıyldy.
