Qazaqstanda bes jylda orman qoryna 2 mlrd túp aǵash egiledi

NUR-SULTAN. QazAqparat – Orman – qazaqstandyqtardyń baılyǵy. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev OKQ-da ótken baspasóz máslıhatynda aıtty, dep habarlaıdy QazAqparat.

«Qazaqstan orman alqaby az memleketter qataryna jatady. Orman qoryna jatatyn jerlerdiń jalpy kólemi 30 mln gektardy quraıdy. ıAǵnı respýblıkamyzdyń 11%-yn ǵana alyp jatyr. 13 mln gektar jerde orman ósýde. Ormandylyq kórsetkish 4,8% quraıdy. 2030 jylǵa qaraı eldegi orman alqaby kólemin 5%-ǵa deıin ulǵaıtý josparlanýda», - dedi mınıstr.

Mınıstrdiń aıtýynsha 5 jyl ishinde orman alqaptarynda 2 mıllıard jáne eldi mekenderde 15 mln aǵash egiledi. Bul baǵytta mınıstrlik oblys ákimdikterimen birlesip óńirler boıynsha aǵash otyrǵyzý kólemderin anyqtaǵan. Premer-Mınıstrdiń tapsyrmasy boıynsha qazirgi ýaqytta ormandy alqaptardy kóbeıtý men orman ósirýdiń keshendi josparyn ázirleý boıynsha jumystar júrgizilýde.