Qazaqstanda bes juldyzdy qonaqúıdiń ortasha baǵasy — táýligine 55 myń teńge

ASTANA. KAZINFORM — Qazaqstanda qonaqúı sany 2 237-ge jetti, bul byltyrǵy jylmen salystyrǵanda 36-ǵa artyq. Bul jaıynda ulttyq statbıýrodan habarlandy.  

Eń kóp qonaqúı Almaty (232) jáne Astana (190) qalalarynda, sondaı-aq Qaraǵandy oblysynda (139).

Elordada bir jyl ishinde meımanhana sany 12-ge ósti, eń úlken kemý Qostanaı oblysynda tirkeldi, onda qonaqúı sany 11-ge qysqarǵan. 

2024 jyldyń birinshi toqsanynda qonaqúıler barlyǵy 1,4 mln kelýshini qarsy aldy, kórsetilgen qyzmetter kólemi 45 mlrd teńgeni qurady.

Byltyrǵy jylmen salystyrǵanda juldyzdy kategorııasy bar qonaqúı sany 6-ǵa qysqarǵan. Búginde olardyń sany — 117.

Bes juldyzdy qonaqúıler Qazaqstannyń 10 óńirinde ornalasqan.

Bir adamǵa shaqqandaǵy ortasha tólem — táýligine 55,5 myń teńge.