Qazaqstanda bes bank bilim alýǵa nesıe beredi
ASTANA. QazAqparat - 2016 jyly eldiń joǵarǵy oqý oryndarynda 477,1 myń stýdent bilim alsa, sonyń 336,8 myńy (70,6%) aqyly oqyǵan. Bul ótken jylǵymen salystyrǵanda 6,5% artyq, dep jazady «Egemen Qazaqstan» finprom.kz saıtyna silteme jasap.
Ótken jyldary aqyly oqıtyn stýdentter sany jalpy stýdentter sanymen birge azaıǵan. Oǵan eldegi demografııalyq jaǵdaı sebep. ıAǵnı, 19-24 jas aralyǵyndaǵy jastardyń sany aldyńǵy jyldary az bolaǵyn anyq.
Aqyly oqyǵan stýdentterdiń tek 1 paıyzy ǵana kompanııalar esebinen bilim alǵan. Qalǵandary ózderi tólegen. Aqyly bilim alatyndardyń basym kópshiligi (29%) bilim berý salasynda bolsa, 19,8%-y áleýmettik ǵylymdar, ekonomıka men bıznes, al 16,7%-y tehnıkalyq mamandyqtar, taǵy 14,1%-y zańgerlik.
Al grant boıynsha bilim alǵandardyń kópshiligi 37,7%-y tehnıkalyq salalar, 20,5%-y densaýlyq saqtaý jáne áleýmettik qamsyzdandyrý, taǵy 17,5%-y bilim berý salasyna tıesili.
Grantqa túse almaǵan stýdentter QR BǴM-niń «Qarjy ortalyǵy» AQ kepildigimen memlekettik bilim berý nesıesin kepildendirý baǵdarlamasy boıynsha nesıe rásimdeı alady. Oǵan oqýdyń barlyq formasy boıynsha nesıe rásimdeledi.
Bilim berý nesıesin eldegi bes bank: Sberbank, Nurbank, Halyq banki, Forte jáne Tengri bankteri usynady. Degenmen, qazir Halyq bank bul qyzmetti ýaqytsha toqtatsa, ForteBank tıek Turar Rysqulov atyndaǵy QazEÝ-men ǵana jumys isteıdi.
Sberbanktiń nesıesin jabýǵa beriletin maksımaldy merzimi 144 aı, qalǵan bankterdiki 120 aı.
Bulardyń úsheýi maksımaldy qarjy kólemin atady. Tengri Bank 6 mln teńgege deıin nesıe berse, Nurbank 5 mln teńge, al ForteBank 3 mln teńgege deıin nesıe usynady. Sberbank bolsa, oqýdyń 100 paıyzyn tóleýge kelisedi. Al Halyq bank tek oqý aqysynyń 70 paıyzyn kóteredi.
