Qazaqstanda benzınniń turaqtandyrý qoryn qurý josparlanýda

ASTANA. QazAqparat - Qazaqstanda benzınniń turaqtandyrý qoryn qurý josparlanýda. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Energetıka birinshi vıtse-mınıstri Uzaqbaı Qarabalın málim etti.

«Turaqtandyrý qoryn respýblıkanyń 10 kúndik (AI-92) tutyný kóleminde qurý josparlanyp otyr. Bul shamamen 50 myń tonna. Búginde ol osy kólemderdi qandaı baǵamen satyp alatynymyzǵa baılanysty bolmaq», - dedi U. Qarabalın.

Onyń sózine qaraǵanda, bul másele Ulttyq ekonomıka, Qarjy mınıstrlikterimen jáne elimiz boıynsha janar-jaǵarmaı quıý jelileri bar iri bıznes sýbektilerimen qarastyrylýda. Sonymen qatar olarmen osy jumysty qarjylandyrýdyń qajetti kólemi de talqylanýda.