Qazaqstanda benzınge suranys 40 paıyzǵa tómendedi
«QazMunaıGaz» UK AQ málimetinshe, elimizdiń iri qalalarynda karantınniń engizilýine jáne munaı ónimderin tutynýdyń azaıýyna baılanysty otandyq munaı óńdeý zaýyttary teńdestirilgen eń tómen qýatpen jumys istep jatyr. Qazaqstanda munaı óńdeýdi tórt kásiporyn júzege asyrady: «Atyraý munaı óńdeý zaýyty» JShS, «Pavlodar munaı-hımııa zaýyty» JShS, «PetroQazaqstan Oıl Prodakts» JShS (Shymkent MÓZ-i), sondaı-aq «CASPI BITUM» BK» JShS bıtým zaýyty.
«2020 jylǵy sáýir aıynda munaı ónimderiniń negizgi túrlerine suranys avtobenzın men dızel otynyna 40, al avıatsııalyq otynǵa 70 paıyzǵa aıtarlyqtaı tómendedi. Bul munaı óńdeý zaýyttaryna munaı jetkizýshilerinen kelip túsetin ótinimder dınamıkasyna jasalǵan taldaýdyń nátıjesimen rastalyp otyr. Qoımalarda munaı ónimderiniń shamadan tys jınalyp qalýyn boldyrmaý úshin Atyraý, Pavlodar jáne Shymkent MÓZ-derinde munaı óńdeý men munaı ónimderin shyǵarý kólemderi eń tómen deńgeıge deıin azaıtyldy. Zaýyttar óz qyzmetin jalǵastyrýda», - delingen taratylǵan aqparatta.
