Qazaqstanda benzın tapshylyǵy bola ma

ASTANA. QazAqparat - Qazaqstanda benzın tapshylyǵy oryn alýy boljanyp otyrǵan joq. Bul týraly búgin Úkimettiń selektorlyq rejimdegi otyrysynda elimizdiń Energetıka vıtse-mınıstri Maǵzum Myrzaǵalıev málim etti, dep habarlaıdy QazAqparat.

«Búginde respýblıka boıynsha AI-92-93 benzınderiniń ortasha baǵasy lıtrine 125-127 teńge, dızel otyny shamamen 129 teńgeni quraıdy. Búgingi kúni tapshylyq boljanyp otyrǵan joq. Osydan úsh apta buryn dızel boıynsha qor 90 myń tonna deńgeıinde bolǵanyn atap ótkim keledi. Qordyń artýy baıqalady. Máselen, 25 qazandaǵy málimetterge sáıkes, munaı bazalaryndaǵy qorlardyń kólemi AI-92-93 benzınderi boıynsha 133 myń tonna, dızel otyny boıynsha 126 myń tonnany quraıdy», - dedi vıtse-mınıstr.

Myrzǵalıevtiń aıtýynsha, aǵymdaǵy jylý berý maýsymynyń kúz-qys kezeńderinde áleýmettik-óndiristik nysandar 342 myń tonna mazýtpen qamtamasyz etiledi. Al AI-92-93 benzınderiniń baǵasy suranys pen usynystyń negizinde naryqtyq tetikter arqyly rettelip otyrady.