Qazaqstanda benzın sapasyn tekseretin quzyrly organ paıda boldy

NUR-SULTAN. QazAqparat – Elimizde benzın sapasyn tekseretin quzyrly organ anyqtaldy. Bul týraly QR Ekologııa, geologııa jáne tabıǵı resýrstar mınıstrligi Ekologııalyq retteý jáne baqylaý komıtetiniń tóraǵasy Zulfuhar Joldasov málim etti, dep habarlaıdy QazAqparat tilshisi.

«Qorshaǵan orta lastanýynyń úsh negizgi kózi bar. Birinshi kezekte - túrli qaldyqtar. Ekinshi – JEO (jylý elektr ortalyǵy) sebebi ol kómirmen jumys isteıdi. Búgingi tańda elimiz boıynsha tórt qazandyq gazǵa aýystyryldy. Jyl sońyna deıin gazǵa aýysatyn qazandyqtardyń sanyn 12-ge jetkizemiz. Sonymen qatar, qala aýmaqtarynda 160-qa jýyq qazandyq bar, onyń máselesin ákimdik sheshýi kerek. Odan bólek, avtokólik máselesi bar. Bul jerde de birqatar problema bar, onyń ishinde benzınniń sapasyna da qatysty. Osyǵan deıin elimizde quzyretti organ bolǵan joq. Búgingi tańda benzınniń sapasyn tekseretin quzyretti organ anyqtaldy», - dedi Z. Joldasov OKQ-de ótken baspasóz máslıhatynda.

Komıtet basshysynyń sózinshe, búginde elordadaǵy jeńil avtokólikterdiń 50 paıyzy Eýro-4 jáne Eýro-5 standartyna jatady.

«Atalǵan standartqa sáıkes keletin kólik sanyn kóbeıtý qajet. Ol úshin baqylaý júrgizý qajet. ıAǵnı avtomobılderdi baqylaý jáne tehnıkalyq baıqaý jaǵdaılaryn jaqsartý kerek», - deıdi ol.

Buǵan deıin habarlaǵanymyzdaı, elimizde ekologııalyq problemalardy sheshýdiń jol kartasy ázirlendi.