Qazaqstanda benzın óndirisiniń kólemi 11 aıda 28,9 paıyzǵa artty
ASTANA. QazAqparat - Qazaqstanda 2018 jyldyń qańtar-qarasha aılarynda benzın óndirý kórsetkishi 3599 myń tonnaǵa jetip, 2017 jyldyń osy kezeńimen salystyrǵanda 28,9 paıyzǵa artty, dep habarlaıdy QazAqparat Statıstıka komıtetine silteme jasap.
Esep kezeńinde 343,4 myń tonna kerosın (ótken jyldyń qańtar-qarasha aılarymen salystyrǵandaǵy ósim - 23,1 paıyz), 2277,8 myń tonna suıytylǵan propan jáne býtan (+7,8 paıyz), 4327,2 myń tonna gazoıl (+8,3 paıyz), 2662,3 myń tonna mazýt (-12,3 paıyz) óndirildi.
Sondaı-aq 1903,5 myń tonna ferroqorytpa (+8,1 paıyz), 2483,4 myń tonna jazyq prokat (-5,5 paıyz), 137,9 myń tonna tazartylǵan qorǵasyn, (+0,8 paıyz), 300,5 myń tonna myrysh (-0,8 paıyz), 401 myń tonna tazartylǵan mys (+3,8 paıyz) óndirilgen.
