Qazaqstanda benzın óndirisi qańtarda 30,9 paıyzǵa artty
ASTANA. QazAqparat - Qazaqstanda 2019 jyldyń qańtarynda benzın óndirý kórsetkishi 378,9 myń tonnaǵa jetip, 2018 jyldyń osy kezeńimen salystyrǵanda 30,9 paıyzǵa artty, dep habarlaıdy QazAqparat Statıstıka komıtetine silteme jasap.
Esepti kezeńde 60,7 myń tonna kerosın (ótken jyldyń qańtar-qarasha aılarymen salystyrǵandaǵy ósim - 57,2 paıyz), 220,7 myń tonna suıytylǵan propan jáne býtan (+7 paıyz), 395,9 myń tonna gazoıl (+9,4 paıyz), 245,4 myń tonna mazýt (-29%) óndirildi.
Sondaı-aq, 180,5 myń tonna ferroqorytpa (+5,4%), 69,9 myń tonna jazyq prokat (-72,3%), 10,4 myń tonna tazartylǵan qorǵasyn (-20,7%), 27,4 myń tonna myrysh (-3,5 paıyz), 36,7 myń tonna tazartylǵan mys (+2,8%) óndirilgen.
