Qazaqstanda benzın óndirisi 3,1 paıyzǵa artty
ASTANA. QazAqparat - 2015 jyldyń qańtar-aqpan aralyǵynda Qazaqstanda avıatsııalyq benzındi qosa alǵanda 429,9 myń tonna benzın óndirildi. Bul 2014 jyldyń qańtar-aqpan aralyǵymen salystyrǵanda 3,1 paıyzǵa artyq.
QR Ulttyq ekonomıka mınıstrligi Statıstıka komıtetiniń habarlaýynsha, esepti kezeńde dızeldik otyn óndirisi byltyrǵa qaraǵanda 14,4 paıyzǵa artyp, 772,9 myń tonnany qurasa, mazýt óndirisi 12,9 paıyzǵa tómendep, 516,2 myń tonna boldy.
«2015 jyldyń qańtar-aqpan aralyǵynda 11,137 mln. tonna shıki munaı jáne 2,161 mln. tonna gaz kondensaty óndirildi. Esepti kezeńde óndirilgen tabıǵı gaz kólemi respýblıkada 17,400 mlrd. tekshe metrdi qurady. Al munaıdyń ilespe gazyn óndirý kórsetkishi 4,009 tekshe metrdi qurap otyr, bul byltyrǵy jylǵy kezeńmen salystyrǵanda 15,1 paıyzǵa artyq», - delingen baspasóz baıanynda.
Budan bólek, Qazaqstanda aǵymdaǵy jyldyń ótken eki aıynda elektr energııasyn óndirý 2,7 paıyzǵa tómendep, 16,876 mlrd kVt/saǵat elektr energııasy óndirilgen. Bul 2014 jyldyń qańtar-aqpanymen salystyrǵanda 2,7 paıyzǵa kem kórsetkish.
