Qazaqstanda benzın óndirisi 12,8 paıyzǵa artty

NUR-SULTAN. QazAqparat - Qazaqstanda 2019 jyldyń qańtar-maýsym aılarynda benzın óndirý kórsetkishi 1 975,9 myń tonnaǵa jetip, 2018 jyldyń osy kezeńimen salystyrǵanda 12,8 paıyzǵa artty, dep habarlaıdy QazAqparat Statıstıka komıtetine silteme jasap.

Esepti kezeńde 305,5 myń tonna kerosın (ótken jyldyń qańtar-maýsym aılarymen salystyrǵandaǵy ósim - 150,8 paıyz), 1 245 myń tonna suıytylǵan propan jáne býtan (-0,2 paıyz), 2 408,8 myń tonna gazoıl (+12,7 paıyz), 1 551,1 myń tonna mazýt (+2,7%) óndirildi.

Sondaı-aq, 1 100,4 myń tonna ferroqorytpa (+8,5%), 1 041,2 myń tonna jazyq prokat (-29%), 67,7 myń tonna tazartylǵan qorǵasyn (-10,8%), 163,8 myń tonna myrysh (+3%), 227 myń tonna tazartylǵan mys (+13,8%) óndirilgen.