Qazaqstanda benzın men dızelge aktsızdiń jańa mólsherlemesi bekitildi

ASTANA. KAZINFORM – QR Úkimeti benzınge, dızel otynyn jáne basqa da jaǵarmaı túrlerine aktsızdiń mólsherlemesin bekitti.

- Kórsetilgen qaýlymen bekitilgen benzınge (avıatsııalyq benzındi qospaǵanda), dızel otynyna, gazoholǵa, benzanolǵa, munaı eritkishine, jeńil kómirsýtekter qospasyna jáne ekologııalyq otynǵa arnalǵan aktsızder mólsherlemeleri osy qaýlyǵa qosymshaǵa sáıkes jańa redaktsııada jazylsyn, - delingen qujatta. 

Atalǵan qaýlyda otyndy kóterme saýdada ótkizý kezinde aktsız mólsherlemesi myna redaktsııada jazylǵan:

- benzın, gazohol, benzanol, munaı eritkishi, jeńil kómirsýtekter qospasy jáne ekologııalyq otynynyń 1 tonnasyna - 38 134 teńge;

- dızel otynynyń 1 tonnasyna - 35 726 teńge.

Óndirýshiler janar-jaǵarmaıdy bólshek saýdada ótkizýi kezinde:

- benzın, gazohol, benzanol, munaı eritkishi, jeńil kómirsýtekter qospasy jáne ekologııalyq otynynyń 1 tonnasyna - 38 634 teńge;

- dızel otynynyń 1 tonnasyna - 35 786 teńge.

Sonymen qatar, jeke jáne zańdy tulǵalardyń otyndy bólshek saýdada ótkizýi, sondaı-aq ózderiniń óndiristik muqtajdyqtaryna paıdalanýy kezinde:

- benzın, gazohol, benzanol, munaı eritkishi, jeńil kómirsýtekter qospasy jáne ekologııalyq otynynyń 1 tonnasyna - 500 teńge;

- dızel otynynyń 1 tonnasyna - 60 teńge

Eske salsaq, jaqynda Energetıka mınıstri Erlan Aqkenjenov eldegi janarmaıdyń qory týraly málimet berdi.