Qazaqstanda benzın baǵasy ósti
ASTANA. QazAqparat - Qazaqstanda joǵary suranysqa ıe AI-92 markaly benzıniniń baǵasy ósti, dep habarlaıdy QazAqparat.
Atap aıtqanda, «QazMunaıGaz» janar-jaǵarmaı quıý beketterinde AI-92 benzıniniń baǵasy lıtrine 137-den 139 teńgege deıin ósti. Osynda AI-95 benzıni 150 teńgege satylýda.
QMG-de quny boıynsha benzın tómen baǵamen ótkizilip keldi. Budan buryn bul beketterde jeltoqsannyń basynda lıtrine 128-den 133 teńgege deıin kóterildi, al keıinnen 137 teńge deńgeıinde qalyptasty.
Sonymen qatar benzın baǵasy «Sinooil» janarmaı quıý stansalarynda da qymbattady. Bul kompanııada AI-92 markaly benzıni 140 teńgege, AI-95 markasy 152 teńgege satylyp jatyr.
«Helios» janar-jaǵarmaı quıý beketterinde AI-92 benzıni 138 teńge, AI-95 otyny 150 teńge somasynda saýdalanýda.
Budan bólek, «Aýrıkada» AI-92 markasynyń quny 145 bolsa, AI-95-tiń baǵasy 161 teńgeni qurap tur.
«Gazpromneft» janamaı quıý jelisinde AI-92 benzıni quny jaqynda 139-dan 141 teńgege deıin ósti. AI-95-tiń lıtri úshin júrgizýshiler 153 teńge tólep jatyr.
Eske salaıyq, 2015 jyldyń qyrkúıek aıynyń basynda Qazaqstannyń monopolııaǵa qarsy kúres organdary Aı-92 jáne Aı-93 benzınderin memlekettik retteýden bas tartqan bolatyn. Ótken jyly 28 maýsym kúni dızeldi otynnyń baǵasyn da erkine jiberilgeni belgili boldy.
