Qazaqstanda belsendi qyzmetip júrgen ÚEU qansha

NUR-SULTAN. QazAqparat – Qazir Qazaqstanda 22 myńnan astam úkimettik emes uıym tirkelgen. Bul týraly Qazaqstan Azamattyq alıansynyń prezıdenti Baný Nurǵazıeva málim etti, dep habarlaıdy QazAqparat tilshisi.

Aıta keteıik, búgin Aqparat jáne qoǵamdyq damý mınıstri Aıda Balaeva úkimettik emes uıym ókilderimen kezdesti. Іs-shara jyl saıyn 27 aqpanda atap ótiletin Dúnıejúzilik úkimettik emes uıymdar kúni aıasynda ótti.

«Táýelsizdik jyldarynda qyzmet etken úkimettik emes uıymdardyń qosqan úlesi óte joǵary. Atap aıtqanda, osy jyldary elimizde birqatar zańnama qabyldandy. Qazirgi kezde úkimettik emes uıymdardy kádimgideı úlken kúsh retinde kórýge bolady. Qoǵamda da ózgerister boldy. Saıası partııalar, kásipodaqtar, úkimettik emes uıymdar úlken azamattyq qoǵamnyń ınstıtýttary ekeni belgili», - dep toqtaldy Baný Nurǵazıeva Aqparat jáne qoǵamdyq damý mınıstriniń úkimettik emes uıym ókilderimen kezdesýinen keıin.

Onyń aıtýynsha, árbir úkimettik emes qoǵamǵa ózderiniń pikirin jetkizýge qaýqarly bolyp otyr.

«Qazir Qazaqstanda 22 myń úkimettik emes uıym tirkelgen. Onyń 16 myńy belsendi jumys istep jatyr. Ár salaǵa ÚEU-lar óz úlesin qosyp keledi. Qazaqstan Azamattyq alıansynyń úlken áleýeti bar. Árbir óńirde uıymdarymyz jasaqtalǵan. Bizdiń masatymyz – ár úkimettik emes uıym arqyly memleketke, Úkimetke halyqtyń pikirin, bastamalaryn jetkizý», - dedi Azamattyq alıans prezıdenti.