Qazaqstanda bazarlardyń órtenýi jyldan-jylǵa artyp keledi
ASTANA. QazAqparat - Qazaqstandaǵy bazarlarda órt sany artyp keledi. Bul týraly búgin Astanada Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý Keńesiniń otyrysynda QR Tótenshe jaǵdaı mınıstri Vladımır Bojko málim etti.
«2012 jyly 38 oqıǵa tirkeldi. Bazarlardaǵy órt bes oqıǵaǵa artyp, 2013 jyly 43-ti qurady»,-dep toqtaldy mınıstr. V. Bojkonyń sózine qaraǵanda, byltyr 530 bazardyń órt qaýipsizdigi jaǵdaıyna tekserý júrgizildi. Onyń nátıjesi boıynsha 4,7 myń zań buzýshylyq anyqtalyp, 513 tulǵa ákimshilik jaýapkershilikke tartyldy. «Aýdanaralyq mamandandyrylǵan ekonomıkalyq sottarǵa nysandardyń jumysyn toqtata turý týraly 161 talap-aryz baǵyttalyp, onyń 129-yn sottar qanaǵattandyrdy», - dedi mınıstr.
