Qazaqstanda bazarlar men qurylys nysandary tekseriledi
ASTANA. QazAqparat - Bıylǵy 1 qyrkúıek pen 1 jeltoqsan aralyǵynda «Ýchaske» sharasy ótedi.
«Elimizdegi jedel jaǵdaıdy turaqtandyrý, qyzmet kórsetetin ákimshilik ýchaskelerde quqyq buzýshylyq profılaktıkasy boıynsha jumysty jandandyrý, halyq arasynda ýchaskelik polıtsııa ınspektorlarynyń jáne jalpy ishki ister organdarynyń ımıdji men bedelin arttyrý, azamattarmen tyǵyz senimdi qarym-qatynas ornatý maqsatynda, respýblıka aýmaǵynda aǵymdaǵy jylǵy 1 qyrkúıekten bastap 1 jeltoqsanǵa deıingi aralyqta «Ýchaske» jedel-profılaktıkalyq is-sharasyn ótkizý josparlanýda», - delingen QR ІІM málimetinde.
Jedel-profılaktıkalyq is-sharany ótkizý kezeńinde ýchaskelik polıtsııa ınspektorlarynyń páterler jáne aýlalar boıynsha ákimshilik ýchaskelerdi, ІІO esebinde turǵan adamdardy mekenjaıy boıynsha tekserýi eskerilgen. Sonymen qatar shara barysynda azamattyq qarý ıeleriniń olardyń saqtalý jaǵdaılarynyń tártibin, bazarlar men saýda oryndaryn sholý, sondaı-aq kóshi-qon zańnamalaryn buzýshylyqtardy anyqtaý, saıajaı alqaptary men qurylys nysandaryna tekserý júrgiziletin bolady.
Qazirgi ýaqytta osy is-sharany ótkizý boıynsha daıyndyq jumystary júrgizilýde.
