Qazaqstanda «bazalyq mólsherleme» uǵymy zań turǵysynda bekitildi
Ulttyq banktiń málimetinshe, Qazaqstan zańnamasynan «bazalyq mólsherleme» uǵymyna aýystyrylǵan «qaıta qarjylandyrýdyń resmı mólsherlemesi» uǵymy alyp tastaldy. Bul normalar 2021 jyldyń 1 qańtarynan bastap kúshine endi.
«Qazaqstan Respýblıkasynyń keıbir zańnamalyq aktilerine ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly» 2021 jylǵy 2 qańtardaǵy Qazaqstan Respýblıkasynyń Zańyna sáıkes, «bazalyq mólsherleme» uǵymy zańnamalyq turǵyda bekitildi. Bazalyq mólsherleme aqsha-kredıt saıasatynyń negizgi quraly jáne aqsha-kredıt saıasatynyń operatsııalary boıynsha syıaqy mólsherlemelerin belgileýge arnalǵan baǵdar»,- dep habarlady Ulttyq bankten.
Osyǵan baılanysty 2021 jyldyń 1 qańtarynan bastap salyq salýda jáne kedendik retteýde ósimpul esepteý kezinde, sondaı-aq tólemderdi, bóten aqshany zańsyz paıdalaný jáne merzimi ótken soma úshin turaqsyzdyq aıybyn, berilgen aqsha somasyn ındeksteýdi, keden bajyn tóleý merzimin keıinge qaldyrý nemese bólip tóleý úshin paıyzdardy ındeksteýdi keshiktirý kezinde azamattyq-quqyqtyq jáne ákimshilik-quqyqtyq qatynastarda bazalyq mólsherleme qoldanylady.