Qazaqstanda bazalyq mólsherleme óskenimen, ıpoteka berý kólemi de kóbeıgen - Ulttyq Bank

ASTANA. KAZINFORM – Bazalyq mólsherlemeniń ósýi nesıe qunyn arttyrǵanymen, ıpoteka belsendi berilip jatyr. Ulttyq bank málimetinshe, 2025 jyldyń qańtar-qyrkúıek aılarynda ıpotekalyq nesıeler kólemi 13,9%-dan 15,9%-ǵa deıin ósken.

Eske salsaq, Qazaqstanda 10 qazanda Ulttyq Bank bazalyq mólsherlemeni 18%-ǵa deıin kóterdi. Bul sheshim ınflıatsııany tómendetý jáne baǵa turaqtylyǵyn saqtaý maqsatynda qabyldanǵan edi.

Halyqqa ıpoteka alý úshin áli de birneshe qoljetimdi baǵdarlama bar:

Turǵyn úı qurylys jınaq júıesi boıynsha tómen paıyzben nesıe;

«7-20-25» memlekettik ıpotekalyq baǵdarlama;

Bankterdiń arnaıy ıpotekalyq ónimderi.

Ulttyq Bank bazalyq mólsherlemeniń ósýine qaramastan, bul baǵdarlamalar turǵyndardyń baspana alý múmkindigin saqtap otyrǵanyn atap ótti.

Sonymen qatar, ınflıatsııalyq qysymdy tómendetý úshin qosymsha sharalar da qabyldanǵan. Olarǵa tutynýshylyq nesıelerge shekteý qoıý, borysh júktemesin retteý, kepilsiz kredıtterdi shekteý, eń tómengi rezervtik talaptardy qatańdatý jáne Úkimettiń tarıftik saıasatty úılestirýi kiredi.

- Bul sharalar baǵanyń turaqtanýyna jáne ınflıatsııanyń birtindep tómendeýine kómektesedi, – dedi Ulttyq bank Kazinform agenttiginiń resmı saýalyna bergen jaýabynda.

Buǵan deıin ıpoteka kóleminiń ósýi turǵyn úı naryǵyna qalaı áser etkeni týraly jazǵan edik.