Qazaqstanda «baılyq salyǵyn» engizý usynyldy
«Memleket basshysy 2019 jylǵy Joldaýynda «Jalpy ishki ónim men halyq tabysynyń artýyna qaramastan qoǵamda múliktik jiktelý úderisi saqtalyp otyr, tipti kúsheıip barady. Bul – alańdatarlyq faktor. Sondyqtan oǵan erekshe nazar aýdarý kerek» degen bolatyn. Bul máseleni sheshýdiń kóptegen joly bar. Sonyń bir joly retinde baılyqqa salyq salýdy engizýdi qaraýǵa bolady. Mundaı halyqaralyq tájirıbe kóptegen elde bar. Bıýdjetke túsetin túsimderdi sán-saltanatqa arnaıy salyq engizý búgingi kúni óte ózekti másele bolyp sanalady. Aýqatty qazaqstandyqtar halyq aldynda áleýmettik jaýapkershilikte bolýǵa jáne óz baılyǵyn eldiń damýyna baǵyttaýy tıis. Táýelsizdiktiń 30 jyldyǵynyń ishinde halyqtyń baı men kedeı toptarynyń arasyndaǵy alshaqtyq aıtarlyqtaı óskenin kórip otyrmyz. Bul jerde másele ıahtalar, ushaqtar, elıtaly jyljymaıtyn múlikter, qymbat avtoóklikter, zergerlik buıymdar sekildi sán-saltanatty zattarǵa salyq salýǵa qatysty bolyp otyr. Baılyq salyǵyn engizý – salyq salýdyń ádiletti júıesin qalyptastyrady dep esepteımin», - dedi Murat Baqtııaruly Salyq kodeksine engiziletin ózgerister legi talqylanǵan Parlament Senatynyń otyrysynda.
Bul máselege baılanysty depýtat Ulttyq ekonomıka mınıstri Rýslan Dálenovtyń ustanymyn surady.
«Árıne mundaı josparymyz bar. Qazirgi tańda jańa Salyq kodeksinde ádiletti jáne aıqyn prıntsıpter kózdelgen. Salyq salý - tabystardy teńestirýdiń tıimdi quraldarynyń biri. Onda eki baǵyt bar. Bul – múliktiń baǵasyna qaraı joǵary salyq salý jáne tapqan tabysqa salyq salý. Tabysqa salyq salý nemese jeke tabys salyǵy boıynsha elde 10 paıyzdyq biryńǵaı mólsherleme qoldanylady. Biraq tómendetilgen mólsherleme de bar. 70 myń teńgege deıingi tabystar qosymsha shegerimder qoldanylady. ıAǵnı bul rette tabystarǵa tómen salyq salynady. Osylaısha jeke tabys salyǵy boıynsha dıfferentsııalanǵan ádis qoldanylady. Salyq kodeksinde kólik salyǵy, múlik salyǵy boıynsha úlken aıyrmashylyq bar. Múliktiń quny joǵary bolsa oǵan salynatyn salyqtyń da mólsheri joǵary bolady. Kólik salyǵy boıynsha aıyrmashylyq 8-600 myń teńge aralyǵynda tur. Meniń oıymsha bul salyq salýdyń bul ádisi tıimdi qural. Salyq salý arqyly teńsizdikti tómendetýge bolady», - dedi mınıstr.
Atalmysh másele boıynsha Senat tóraǵasy Máýlen Áshimbaev Rýslan Dálenovke bul máseleni jiti nazarǵa alýdy tapsyrdy.
