Qazaqstanda baılanys sapasyn jaqsartatyn jyljymaly keshender satyp alynady
«Internet sapasyna halyqtyq baqylaý júrgizý úshin Bailanys bar servısi (https://bailanys.bar/kk/internet/speedtest) iske qosyldy. Kez kelgen azamat smartfon arqyly ınternet kemshilikterin bizge ońaı túrde joldaı alady. Qazirgi ýaqytta tekserý boıynsha 50 myńnan astam adam atalǵan servısti paıdalandy», - dedi mınıstr tsıfrlandyrý taqyryby boıynsha Senatta ótip jatqan Úkimet saǵatynda.
Onyń sózine qaraǵanda, memlekettik baqylaý maqsatynda baılanys sapasyn monıtorıngileý boıynsha 17 jyljymaly ólsheý kesheni satyp alynýda.
«Bul baǵytta Premer-Mınıstr qoldaý bildirdi. Jyldyń sońyna deıin osy keshenderdi satyp alamyz. Osy oraıda halyqtyq jáne memlekettik baqylaýdyń derekteri biryńǵaı júıege jınaqtalatyn bolady, bul odan ári operatorlarmen jumys isteýge múmkindik beredi», - dedi B. Mýsın.
Budan buryn habarlanǵandaı, mınıstr elimizde ınternettiń sapasyna qatysty túsinik berdi.
«Nege ınternet álsiz? Buǵan qatysty birneshe sebep bar. Birinshiden, bizde ınternet sapasy boıynsha qatań zańnamalyq talaptar joq. Ekinshiden, telekommýnıkatsııa jelisiniń 90 paıyzy radıorelelik jelide jáne áýe baılanys arnalary boıynsha salynǵan», - dedi Baǵdat Mýsın.
