Qazaqstanda baılanys naryǵy 380 mlrd teńgege jetti
ASTANA. KAZINFORM – 2026 jyldyń qańtar–naýryz aılarynyń qorytyndysy boıynsha Qazaqstanda baılanys qyzmetteriniń kólemi 379 mlrd teńgeden asty. Bul kórsetkish ótken jylmen salystyrǵanda artqan. Al poshta jáne kýrerlik qyzmetter kólemi azaıǵan.
Ulttyq statıstıka bıýrosynyń málimetinshe, 2026 jyldyń birinshi toqsanynda Qazaqstandaǵy baılanys qyzmetteriniń kólemi 379,1 mlrd teńgeni qurady. Bul ótken jyldyń sáıkes kezeńimen salystyrǵanda 3,9%-ǵa artyq.
Halyqqa kórsetilgen qyzmet kólemi 224,4 mlrd teńgege jetip, 3% ósim tirkeldi.
Ósim negizinen ınternet pen uıaly baılanys esebinen qamtamasyz etildi. Tirkelgen ınternet qyzmetteri 143,8 mlrd teńgeni qurady.
Uıaly baılanys qyzmetteri aıtarlyqtaı artty. Onyń kólemi 135,5 mlrd teńgege jetip, 2,4 esege ulǵaıdy. Bul 2026 jyldan bastap esepteý ádistemesiniń ózgerýimen baılanysty. ıAǵnı mobıldi ınternet qyzmetteri osy sanatqa engizildi.
Sonymen qatar ózge telekommýnıkatsııalyq qyzmetter kólemi 61,5 mlrd teńgeni, al derekterdi berý qyzmetteri 15,2 mlrd teńgeni qurady.
Al poshta jáne kýrerlik qyzmetter segmentinde tómendeý baıqaldy. Jalpy kólemi 21,3 mlrd teńgeni qurap, ótken jyldyń deńgeıiniń 97,8%-yna teń boldy. Halyqqa kórsetilgen qyzmet kólemi 4,9 mlrd teńgege deıin qysqardy.
Aýyldyq jerlerde baılanys qyzmetteriniń kólemi 19,5 mlrd teńgege jetti. Onyń ishinde halyqqa kórsetilgen qyzmet 13,6 mlrd teńgeni qurady. Aýyldaǵy poshta jáne kýrerlik qyzmetter kólemi 417,5 mln teńge boldy.
2026 jylǵy 1 sáýirdegi jaǵdaı boıynsha elde 27,3 mln uıaly baılanys abonenti tirkelgen. 100 adamǵa shaqqanda 133 abonentten keledi.
Mobıldi ınternet paıdalanýshylar sany 17,8 mln-ǵa jetti. Olardyń basym bóligi joǵary jyldamdyqtaǵy ınternetti qoldanady. Tirkelgen ınternet abonentteri 3,3 mln boldy.
Sonymen qatar statsıonarlyq telefon jelileriniń sany qysqaryp, 2,1 mln-ǵa deıin azaıdy. Bul ótken jyldyń deńgeıiniń 89,1%-yn quraıdy.
Dástúrli túrde baılanys jáne poshta qyzmetteriniń eń joǵary kólemi Almaty men Astana qalalaryna tıesili.
Osylaısha, Ulttyq statıstıka bıýrosynyń málimetinshe, 2026 jyldyń birinshi toqsanynda Qazaqstannyń baılanys naryǵy ınternet pen uıaly baılanys esebinen ósti. Al poshta qyzmetteri kólemi tómendedi.
Aıta keteıik, buǵan deıin Tsıfrlyq damý jáne jasandy ıntellekt mınıstrliginde eldegi ınternetpen qamtý deńgeıi týraly málimet berilgen bolatyn.
