Qazaqstanda bastaýysh bilim berýdiń Memlekettik jalpyǵa mindetti bilim berý standartynyń jańa jobasy ázirlendi - vıtse-premer
ASTANA. QazAqparat - Qazaqstanda mektepke deıingi uıymdardy oqý-ádistemelik materıaldarmen jabdyqtaý zańmen retteletin bolady. Bul týraly búgin bilim berý qyzmetkerleriniń respýblıkalyq tamyz keńesinde QR Premer-Mınıstriniń orynbasary Gúlshara Ábdiqalyqova aıtty.
«2009 jáne 2012 jyldary júrgizilgen EYDU PISA halyqaralyq zertteýleri negizindegi tájirıbeni taratý aıasynda Nazarbaev Zııatkerlik mektepteri bastaýysh bilim berýdiń Memlekettik jalpyǵa mindetti bilim berý standartynyń jańa jobasyn ázirledi. Standart 2015-2016 oqý jyldarynda 30 mekteptiń bazasynda qabyldanatyn bolady», - dedi ol.
Osy oraıda vıtse-premer jańa jaǵdaıda jumys isteý úshin pedagogter daıyndyǵy sapalyq deńgeıge kóterilýi tıistigin basa aıtty.
«Oqytýshylar jańa pedagogıkalyq tehnologııalardy ıgerýi jáne balalarǵa ómir daǵdylaryn úıretýi tıis. 12 jyldyq bilim berý berý modeline kóshý aıasynda bilim baǵdarlamalarynyń mazmunyn túbegeıli ózgertý qajet. Úsh jyl ishinde qysqa merzimdi jáne 3 deńgeıli kýrstardan 315 myń pedagog ótetin bolady», - dedi G.Ábdiqalyqova.
