Qazaqstanda basshylyq qyzmettegi áıelderdiń úlesi 30%-ǵa jetti

ASTANA. QazAqparat – Qazaqstanda keıingi 2 jyl ishinde basshylyq qyzmettegi áıelderdiń úlesi 30 paıyzǵa jetti. Muny BAQ ókilderiniń qatysýymen ótken brıfıngide «Techno Woman» kommertsııalyq emes uıymynyń prezıdenti Azıza Shýjeeva málim etti, dep habarlaıdy QazAqparat tilshisi.

«Bıyl korporatıvtik sektorda áıelderdiń basshylyq laýazymdardy ıelenýi boıynsha Qazaqstanda zor serpilis boldy. Bul baǵytta biz Ortalyq Azııa elderiniń alǵashqy qatarynda turmyz. Qazaqstan – áıelderdi kvazımemlekettik sektor korporatsııalarynyń dırektorlar keńesi men basqarmalarynda, «Samuryq-Qazyna» kompanııalar tobynda ilgeriletý úshin 30% kvota bólgen jalǵyz memleket», - dep toqtaldy Azıza Shýjeeva.

Qosa ketsek, Qazaqstan Dúnıejúzilik ekonomıkalyq forýmnyń «Jahandyq genderlik alshaqtyq-2022» zertteýiniń qorytynysyna saı, genderlik teńdik boıynsha 80-orynnan 65-orynǵa kóterildi.

Sondaı-aq, Áıelder isteri jáne otbasylyq-demografııalyq saıasat jónindegi ulttyq komıssııasy aldaǵy 3 jylda otbasyn qoldaý ortalyqtarynyń sanyn 234-ke jetkizýdi josparlap otyr.