Qazaqstanda basseınder qashan ashylady

NUR-SULTAN. QazAqparat –QR Bas memlekettik sanıtar dárigeri Aıjan Esmaǵambetova Qazaqstanda basseınderdi ashý máselesi qashan qaralatynyn aıtty, dep habarlaıdy QazAqparat tilshisi.

Onyń sózine qaraǵanda, basseınderdi ashý karantındik sharalardy jeńildetýdiń ekinshi kezeńinde qaralady. ıAǵnı, epıdemıologııalyq jaǵdaıdyń turaqtanýy men onyń jaqsarýyna aıryqsha ekpin qoıylady.

«Basseınderge aıtarlyqtaı qatań talaptardy qoıamyz. Sáıkesinshe, bıznes-qoǵamdastyq bul talaptarǵa daıyn bolýy tıis», - dedi ol.

Aıta keteıik, 13 tamyzda QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda Karantın sharalaryn kezeń-kezeńimen alyp tastaý jospary qaraldy.