Qazaqstanda baspana, jol, ǵımarattar qurylysy artty

Bıylǵy 11 aıda elimizde qurylys jumystarynyń kólemi 5 918,9 mlrd teńgeni qurady. Bul ótken jyldyń sáıkes kezeńimen salystyrǵanda 12,6% joǵary. Kazinform bul týraly Ulttyq statıstıka bıýrosyna silteme jasap habarlaıdy.

Kórsetkish ǵımarattar (24,9%) men turǵyn emes ǵımarattar (6,8%) qurylysynda jáne jóndeý jumystarynda artqan.

Respýblıka boıynsha oryndalǵan qurylys jumystarynyń jalpy kóleminde:

• jeke uıymdar – 87,3%
• sheteldik uıymdar – 12,5%
• memlekettik uıymdar – 0,2%

Oryndalǵan jumystardyń (qyzmetterdiń) túrleri boıynsha eń kóp úles:

• turǵyn emes ǵımarattar (jalpy kólemnen 19,5%);
• avtomobıl joldary (14,8%);
• turǵyn úıler (14,2%) qurylysyna tıesili.

Bıylǵy qańtar-qarashada paıdalanýǵa berilgen jańa obektilerdiń jalpy aýdany 17 296,8 myń sharshy metrdi qurady.

Paıdalanýǵa berilgen turǵyn úılerdiń jalpy aýdany 15,6% artyp, 15 067,2 myń sharshy metrdi qurady. Olardyń ishinde:

• 9 107,9 myń sharshy metr kóp páterli úıler;
• 5 862 myń sharshy metr jeke úıler.