Qazaqstanda baspana baǵasy bir jylda 27,7% qymbattady
«Turǵyn úı baǵasy qatarynan besinshi jyl ósip keledi. Baǵanyń tómendeýi 2016 jyly ǵana tirkeldi. Ol kezde jańa turǵyn úı 3,6% arzandady. 2017 jyly qaıta satý naryǵyndaǵy sharshy metrdiń baǵasy 1,6% tómendedi», - delingen QR Strategııalyq josparlaý jáne reformalar agenttigi Ulttyq statıstıka bıýrosynyń málimetinde.
Derekke súıensek, byltyrǵy sáýir men bıylǵy sáýir aralyǵynda páterlerdi qaıta satý baǵasy – 27,7%, jańa turǵyn úılerdi satý quny 20,3% qymbattady. Al abattandyrylǵan baspanany jalǵa alý tólemi 22,2% kóterildi.
Bir aıdyń ishinde, ıaǵnı 2022 jylǵy naýryzǵa qaraǵanda qaıta satýǵa qoıylǵan baspana quny 1,8% ósip, sharshy metrine 459 137 teńgeni qurady.
Jańa turǵyn úıdi satý jáne abattandyrylǵan turǵyn úıdi jalǵa alý tólemi sáýirde 0,8% joǵarylap, sharshy metrine tıisinshe 412 315 teńge jáne 3 561 teńgeni qurady.
