Qazaqstanda baspana baǵasy tómendeýi múmkin be

ASTANA. KAZINFORM — Bazalyq mólsherleme kóterildi. Endi ol jyljymaıtyn múlik naryǵyndaǵy baǵanyń ózgerýine tikeleı áser etedi. Bul týraly «JibekJoly» arnasyndaǵy «BúginLive» baǵdarlamasynda ıpoteka brokeri Almajan Kenjeǵulqyzy aıtty.

— Bazalyq mólsherlemeniń kóterilýi — bankter arasyndaǵy aqshanyń joǵarylaǵanyn bildiredi. ıAǵnı, ıpoteka bolsyn, kredıt bolsyn olardyń mólsherlik stavkasy ósti degen sóz. Bul ıpotekaǵa suranys pen bank aldyndaǵy táýekeldilikti azaıtady, — deıdi Almajan Kenjeǵulqyzy.

Ol, bul úrdis bankterdegi paıyzdyq mólsherlemeniń ulǵaıýyna da áser etetinin aıtady. Dıpozıt pen kredıttiń de mólsheri artady.

— Ony bankter birden kóterýi múmkin emes. Naryqty baqylaı otyra, birte-birte kótere bastaıdy. Bul qatty qorqatyn jaǵdaı emes. Ol eldegi ınflıatsııanyń deńgeıine baılanysty, - dedi ıpoteka brokeri.

Demek, spıkerdiń sózinshe aldaǵy ýaqytta baspana alý qıyndaıdy. Sebebi, nesıe paıyzymen qosa, aılyq tólem kólemi de artady. Sáıkesinshe, suranys ta azaıýy múmkin.

— Ipotekalyq nesıeniń qoljetimdiligi qıyndaıdy. Aılyq tólem óskendikten túrli kedergiler de shyǵady. Bul jerde qıyndyq týǵyzatyn másele — azamattardyń bank aldynda óziniń tabysyn rastaýy. Sebebi, qazir shyǵyndar kóp, biraq jalaqy kólemi ózgerissiz. Bunyń barlyǵynan dúrligip qorqa berýdiń de qajeti joq, — deıdi ol.

Sala mamanynyń aıtýynsha, alǵashqy jarnasy bar azamattarǵa alańdaıǵa negiz joq. Qarjylyq turaqtylyqty retteý arqyly belgili bir nesıege ótinim berýge de bolady eken.

Aıta keteıik, Ulttyq bank bazalyq mólsherlemeni 18%-ǵa deıin kóterdi.