Qazaqstanda baspana alýǵa jańa qarjylyq ónim iske qosylmaq

ALMATY. QazAqparat - Qazaqstan ıpotekalyq kompanııasy qoljetimdi baspanamen qamtamasyz etý boıynsha jańa tetikterdi ázirlep jatyr. Qazirgi kezde bul mehanızmder talqylaýǵa shyǵaryldy. Bul týraly Almatydaǵy baspasóz máslıhatynda «Qazaqstan Ipotekalyq Kompanııasy» IU» AQ basqarma tóraǵasynyń orynbasary Aısultan Akchýrın málim etti, dep habarlaıdy QazAqparat. 

«Qazaqstan ıpotekalyq kompanııasynyń» basshylyǵy 2018 jyldyń sońyna qaraı «Nurly jer» baǵdarlamasy boıynsha «Satyp alý múmkindigimen jalǵa beriletin turǵyn úı» baǵytynyń aıaqtalatyndyǵyn málimdedi.

Osy oraıda baspasóz máslıhatynda tilshiler aldaǵy ýaqytta qandaı tetikter engizetindigin surady.

«Jańa tetikterdi daıarlaý jumystaryn júrgizip jatyrmyz. Bul turǵyda qazaqstandyqtardy qoljetimdi baspanamen qamtamasyz etý nazarǵa alynady. Ázirge, ónim jobasy daıyndaý kezeńinde tur. Ony Dırektorlar keńesi qarastyratyn bolady jáne talaptarǵa sáıkes bekitiledi. Jyldyń sońyna deıin ony daıarlaýdy josparǵa engizdik» , - dedi Qazaqstan ıpotekalyq kompanııasynyń ókili.