Qazaqstanda baspana alýda qolma-qol aqshasyz esep aıyrysý tetigi usynyldy

ASTANA. KAZINFORM – «Otbasy bank» aktsıonerlik qoǵamynyń basqarma tóraıymy Lázzat Ibragımova Qazaqstanda baspana alý kezinde qolma-qol aqshasyz esep aıyrysýdy engizý tetigi pysyqtalyp jatqanyn aıtty.

Onyń paıymynsha, QQS-tyń ulǵaıýy qurylys bıznesine túsetin salyq júktemesin retteýge jáne kompanııalardyń jasandy túrde ustaqtalýyna tosqaýyl qoıady. Bul turǵyda qurylys bıznesiniń ashyq bolýyna erekshe mán berilip, aldanǵan úleskerler azaıady. 

- Meniń oıymsha, qazir eki bastama óte mańyzdy. Birinshiden, turǵyn úı satyp alý kezinde qolma-qol aqshasyz esep aıyrysýdy eskerý kerek. Bul naryqty «kóleńkeden» shyǵarýǵa aıtarlyqtaı yqpal etedi. Ekinshiden, turǵyn úı satyp alý kezinde QQS engizý naryqtyń ashyq bolýyna ákeledi, - dedi «Otbasy bank» basshysy Senatta tilshiler suraǵyna jaýap bere otyryp.

Budan buryn habarlanǵandaı, «Otbasy bank» aktsıonerlik qoǵamynyń basqarma tóraıymy Lázzat Ibragımova Senatta ótip jatqan parlamenttik tyńdaýda «Naýryz jumysker» baǵdarlamasy qashan bastalatynyn aıtty.