Qazaqstanda baspa salasynda kórsetilgen qyzmetter ósti

ASTANA. QazAqparat - Qazaqstanda baspa qyzmeti salasyndaǵy qyzmetter ósti, dep habarlaıdy QazAqparat ulttyq statbıýroǵa silteme jasap.

2022 jylǵy qańtar-jeltoqsanda baspa isinde kórsetilgen qyzmet kólemi - 61,5 mlrd teńge.

2021 jyldyń sáıkes kezeńimen salystyrǵanda kólem 3,6%-ǵa ósti.

Onyń 57,5 mlrd teńgesin kásiporyndar, 4 mlrd teńgesin jeke kásipkerler qamtamasyz etken.

Aýyldyq jerlerde kórsetilgen qyzmet kólemi - 2,1 mlrd teńge.

Qyzmetterdiń basym bóligi Almaty (29 mlrd) jáne Astana (16 mlrd) qalalarynda kórsetilgen.

Óńirler arasynda baspa qyzmetindegi qyzmetterdiń eń kóp kólemi Atyraý (2 mlrd), Qaraǵandy (1,9 mlrd) jáne Qostanaı oblystarynda (1,3 mlrd.) baıqaldy.

Eń az qyzmet 134 mln teńgege Abaı oblysynda kórsetilgen.

Kásiporyndar kórsetken qyzmet kólemi 57,5 mlrd teńgeni qurady, onyń ishinde shaǵyn kásiporyndar – 49,8 mlrd teńge, iri kásiporyndar – 1,1 mlrd, orta kásiporyndar – 6,7 mlrd teńge.