Qazaqstanda basqarýshylyq konsaltıngtiń halyqaralyq standartyn engizetin ýaqyt jetti
ALMATY. QazAqparat - Qazaqstanda basqarýshylyq konsaltıngtiń halyqaralyq standartyn engizetin ýaqyt jetti. Bul týraly búgin Almatyda ótken dóńgelek ústel barysynda Qazaqstandaǵy menedjment boıynsha konsýltanttar palatasy basqarmasynyń tóraıymy Gúlsim Aqtamberdıeva málimdedi.
Onyń aıtýynsha, qazir álemde konsaltıng boıynsha jalǵyz standart bar. Ol: CEN 16114. Mine osy standartty negizge alý kerek.
«Búgin osy dóńgelek ústelge osy standarttyń avtory, halyqaralyq aýdıtor Ilze Ennsfellner qatysýda. Ol keshe bizdiń konsýltanttarmen trenıng ótkizdi. Otandyq keńesshilerdiń biliktiligine rıza boldy. Biraq, konsýltanttarymyzdyń deńgeıi shet eldik konsýltanttarmen teń bolýy úshin, bizge osy Halyqaralyq standarttyń negizinde jasalǵan otandyq standart kerek. Ondaǵy maqsat - Qazaqstandyq konsýltanttar men olardyń klıentteriniń biliktilik deńgeıin kóterý», - dedi Gúlsim Aqtamberdıeva.
Búgingi dóńgelek ústelge Qazaqstandaǵy menedjment boıynsha konsýltanttar palatasynyń, Qazaqstan Kásipkerleriniń ulttyq palatasynyń, QR jobalaý menedjerleri odaǵynyń jáne basqa da uıymdardyń ókilderi qatysty.
Dóńgelek ústel jıynynyń qorytyndysy boıynsha arnaıy qarar qabyldandy. Bul qujatqa sáıkes, qatysýshylar CEN 16114 halyqaralyq standarty negizinde qazaqstandyq standartty daıyndaý úderisin qolǵa alý jáne múddelilik tanytqan taraptardy tolyq aqparatpen qamtamasyz etý usynyldy.
