Qazaqstanda básekeni qorǵaý boıynsha komıtet qurylmaq
«Básekeni kúsheıtpeı – memlekettiń ekonomıkasy týraly aýyz ashpaı-aq qoıýǵa bolady. Negizgi taýar naryqtaryna taldaý jasaı otyryp, básekeniń tómen ekenin anyqtadyq. Barlyq bazalyq salada monopolızatsııanyń kúsheıip bara jatqany baıqalady. Elektroenergetıka, munaı ónimderin jetkizýde, temir jol tasymalynda, uıaly baılanys jetkizýde, bank salasynda osyndaı jaǵdaı. Bul – naryqtyq baǵanyń qalyptasýyna jol bermeı, tasymaldaýshylardyń arasyndaǵy básekelestikti báseńdetedi. Biz buryn naryqta memlekettik monopolııanyń kóptigi týraly aıtsaq, búgingi kúni jeke monopolııalar ortaǵa shyqty. Úkimet demonopolızıatsııa jáne naryqqa jańa kásipkerlerdiń naryqqa kirýi úshin ákimshilik kedergilerdi joıýda naqty sharalardy qabyldaýy kerek», - dedi Qasym-Jomart Toqaev.
Memleket basshysynyń aıtýyna qaraǵanda, ekonomıkanyń bazalyq salalarynda bırjalyq saýdaǵa nazar aýdarý kerek.
«Reseı 2008 jyldan bastap munaımen, 2014 jyldan bastap tabıǵı gaz boıynsha bırjalyq saýdany júrgizip keledi. Bırjalardyń ózin de damytyp, olardyń jumysynyń ashyqtyǵyn qamtamasyz etip, olardyń jumysyn halyqaralyq standarttarǵa sáıkestendirý kerek. Ony basqarýǵa iri sheteldik kompanııalardy tartqan abzal. Básekeni qorǵaý boıynsha jeke komıtet qurý jónindegi Úkimettiń bastamasyna qoldaý bildirdim. Ol komıtetten ymyrasyz ári júıeli jumys kútemin», - dedi ol.
