Qazaqstanda Básekelestikti qorǵaý komıssııasy qurylýda
ASTANA. QazAqparat - Qazaqstanda Básekelestikti qorǵaý komıssııasy qurylýda. Bul týraly búgin Astanada ótken "QR Monopolııaǵa qarsy zańnamasy jáne Biryńǵaı ekonomıkalyq keńistik" forýmy barysynda QR Básekelestikti qorǵaý agenttigi tóraǵasynyń orynbasary Álıaqpar Mátishev aıtty.
«Búginde biz Básekelestikti qorǵaý komıssııasyn úkimettik deńgeıde quryp otyrmyz. Ony básekelestik máselelerin qarastyratyn vıtse-premer basqaratyn bolady. Onyń quramyna memlekettik organdar da, bıznes ókilderi de kiredi. Komıssııa sheńberinde básekelestikti damytý máseleleri talqylanatyn bolady », - dep atap ótti Mátishev. Onyń aıtýynsha, monopolııaǵa qarsy organnyń basty mindeti básekelestikti damytý emes. «Bizdiń basty mindetimiz - básekelestikti qorǵaý, sondyqtan memlekettik organdar ózderiniń salasynda básekelestikti damytýǵa nazar aýdaratyn bolamyz», - dedi ol.
