Qazaqstanda básekelestik ortaǵa avtobýs parkteri men balalardy saýyqtyrý ortalyqtary beriledi
ASTANA. QazAqparat - Qazaqstanda básekelestik ortaǵa avtobýs parkteri men balalardy saýyqtyrý ortalyqtary beriledi. Bul týraly búgin Ortalyq kommýnıkatsııalar qyzmetindegi brıfıngte QR Ekonomıka jáne bıýdjettik josparlaý mınıstri Erbolat Dosaev málim etti.
«Jekeshelendirý úshin usynylǵan tizbede eldi mekenderdi kórkeıtý jáne qatty-turmystyq qaldyqtardy shyǵarý, avtojoldardy jóndeý, avtobýstyq jáne trolleıbýstyq parkter, balalardyń saýyqtyrý lagerleri jáne taǵy basqalary bar»,-dedi E. Dosaev. Kommýnaldyq menshik boıynsha 416 uıym (ÁKK eskerýsiz) jekeshelendirilinetin bolady. Onyń sózine qaraǵanda, kommýnaldyq menshik qurylymynda búginde 82 paıyzy áleýmettik sala uıymdary quraıdy. Osy oraıda olardyń jekeshelendirý áleýeti ázirge tómen bolyp otyr, sondyqtan da bul nysandar kommýnaldyq menshikte qalmaq. Olar - bilim bilim berý, densaýlyq saqtaý jáne mádenıet uıymdary. Esterińizge sala keteıik, Memleket basshysy byltyrǵy jyldyń 11 qazanynda keńeıtilgen úkimet májilisinde úkimetke jekeshelendirýdiń ekinshi tolqynynda kásiporyndar sanyn ulǵaıtýdy qamtamasyz etýdi tapsyrdy.
