Qazaqstanda básekelestik qaǵıdaty negizinde qylmystyq úderisti odan saıyn damytý qajet - O. Jumabekov
ASTANA. 10 qarasha. QazAqparat /Qanat Mámetqazyuly/ - Qazaqstanda básekelestik qaǵıdaty negizinde qylmystyq úderisti odan saıyn damytý qajet.
Búgin Parlament Senatynda «QR qylmystyq-is júrgizý zańnamasynda sottyq tergeý ınstıtýtyn damytý» atty taqyrypta ótken «dóńgelek ústel» barysynda Joǵarǵy Sot Keńesiniń tóraǵasy Ońalsyn Jumabekov osylaı málim etti.
«Sottyq tergeýge qatysty tıimsizdiktiń negizgi faktory onyń birjaqtylyǵy men shalalyǵy bolyp tabylady. Bunymen qosa, sottyq tergeýdegi birjaqtylyqty qylmystyq is boıynsha aıǵaqty bildiretin faktilerdiń jáne jaǵdaılardyń tergelmegendigimen, al shalalyǵyn - bundaı faktiler men jaǵdaılardyń dálelsiz qalý shegimen baılanystyrýǵa bolady», - dedi O. Jumabekov.
Joǵarǵy Sot keńesiniń tóraǵasy bul rette osyndaı faktorlardyń is júrgizýdegi olqylyqtarǵa jıi sebep bolatynyn aıtady. «Budan ári sottyq tergeýdiń birjaqtylyǵy men shalaǵaılyǵyn túzeýdiń bir quraly retinde qylmystyq úderisterdi básekelestik qaǵıdatyna negizdep damyta túsý qajet», - dedi O. Jumabekov.
