Qazaqstanda barlyq salalar boıynsha jalaqynyń shekti mólsherin belgileý qarastyrylady - T. Dúısenova
ASTANA. 18 qarasha. QazAqparat - Qazaqstanda barlyq salalar boıynsha jalaqynyń shekti mólsherin belgileý máselesi qarastyrylyp jatyr. Bul týraly búgin Parlament Májilisinde «Kásiptik odaqtar týraly» zań jobasynyń tanystyrylymy barysynda Eńbek jáne halyqty áleýmettik qorǵaý mınıstri Tamara Dúısenova málim etti.
Mınıstrdiń aıtýynsha, jalaqy máselesine qatysty birqatar elderdiń tájirıbeleri saralanǵan. Atap aıtqanda, AQSh, Ulybrıtanııa, Japonııa elderinde belgili bir biliktilikter boıynsha olarmen atqarylatyn jumystyń aýqymy, sapasy jáne jaǵdaıyna qatysty jalaqynyń shekti kólemi belgilenedi. «Mundaı jaǵdaıda jumysshylardyń eńbek aqysyn tóleý boıynsha bir-birine jaqyn biliktilikter boıynsha aıtarlyqtaı teńsizdikter týyndamaıtyn bolady», - deıdi T. Dúısenova. Onyń sózine qaraǵanda, «QazMunaıGaz» ulttyq kompanııasynda dál osyndaı júıe ázirlengen, qazirgi ýaqytta buny barlyq munaı-gaz salasyna taratý máselesi kózdelýde. «Budan keıingi kezderi osy máselelerdi basqa salalardyń kásiptik odaqtarymen birlese qarastyrý josparlanýda», - deıdi mınıstr.
