Qazaqstanda barlyq salada jalaqy joǵarylady
ASTANA. 13 shilde. QazAqparat - Qazaqstanda is júzinde barlyq salada da jalaqy artyp keledi. Bul týraly búgin bolǵan brıfıng barysynda QR Statıstıka agenttiginiń tóraǵasy Álıhan Smaıylov málim etti.
«Atap aıtqanda, aýyl, orman, balyq sharýashylyqtarynda jalaqy - 22, ónerkásipte - 17, saýdada - 10,5, kólikte - 19, aqparat jáne baılanysta 17 paıyzǵa ósip, qarjy jáne saqtandyrý qyzmetine 4 paıyzǵa tómendedi. Memlekettik basqarýda jalaqy - 37, bilim berýde - 28, densaýlyq saqtaýda - 26, ónerde 26 paıyzǵa artty. Bul ataýly jalaqy túrinde. Al shynaıy túrde tsıfrlar ınflıatsııalyq túzetýlerge baılanysty sál tómen», - dedi ol.
Agenttik málimetterine sáıkes, 2012 jylǵy mamyrda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 48 859 teńgeni qurap, 2011 jylǵy tıisti kezeńmen salystyrǵanda 12,0 paıyzǵa artqan. Naqty aqshalaı tabystar 6,7 paıyzǵa ósken. Mamyrda qyzmetkerlerge eseptelgen ortasha ataýly aılyq 98942 teńgeni qurap, ótken jyldyń mamyrymen salystyrǵan 17,6 paıyzǵa ósken.
