Qazaqstanda barlyq kredıtteý sýbektileri qadaǵalanyp otyrady

NUR-SULTAN. QazAqparat - Kepilsiz tutynýshylyq qaryzy bar barlyq azamattar úshin aıyppul men ósimpuldy óteý tetigi ázirlendi. Bul týraly búgin Úkimet otyrysynda Ulttyq bank tóraǵasy Erbolat Dosaev aıtty, dep habarlaıdy qazAqparat tilshisi.

«Ulttyq bank banktermen jáne mıkroqarjy uıymdarymen birlesip, 2019 jylǵy 1 shildedegi jaǵdaı boıynsha eseptelgen, kepilsiz tutynýshylyq qaryzy bar barlyq azamattar úshin aıyppul men ósimpuldy óteý tetigin ázirledi. Bul tetik alǵashqy qadam retinde bankter men mıkroqarjy uıymdarynyń eseptelgen aıyppul men ósimpuldy derbes keshirýin boljaıdy. Budan keıin operator bankter men mıkroqarjy uıymdarynyń shyǵystaryn 70 paıyz dıskontpen óteýdi júzege asyrady. ıAǵnı, is júzinde aıyppuldar men ósimpul somasynan úshten ekisinen astamy bankter men mıkroqarjy uıymdarynyń qarajaty esebinen esepten shyǵarylady. Bul tetikti de eki aıda aıaqtaý josparlanýda», - dedi Ulttyq bank tóraǵasy.

E. Dosaev Parlament Senatynyń Qarjy naryǵyn retteý men damytý, mıkroqarjylyq qyzmet jáne salyq salý máseleleri boıynsha zańdy qabyldap, Qazaqstan Respýblıkasynyń Prezıdentine qol qoıýǵa engizgenin atap ótti.

«Onda kredıttik seriktestikterdi, lombardtar men onlaın-kredıtorlardy qosa alǵanda, barlyq kredıtteý sýbektilerin retteý men qadaǵalaýdy engizý jáne halyqtyń boryshtyq júktemesiniń baqylanbaıtyn ósýin shekteý kózdeledi. Engiziletin zańnamalyq ózgerister qaryz alýshylardyń quqyqtary men múddelerin qorǵaýdy kúsheıtedi, retteýshilik tórelikti jáne tutynýshylyq kredıtteý naryǵyndaǵy júıelik problemalardy joıady», - dedi ol.